Simona Halep fiton Wimbledon-in e saj të parë dhe shuan shpresat e Serena Williams për të barazuar rekordin e fitores së 24 titujve Grand Slam.
Rumunia fitoi finalen me rezultatin 6-2, 6-2 duke rikuperuar pothuajse çdo top që amerikania hodhi drejt saj. “Kjo ishte ndeshja ime më e mirë”, tha 27-vjeçarja Halep, e cila fiton kështu Grand Slam-in e dytë në karrierë pas suksesit në 2018 në French Open.
Për 37 vjeçaren Williams kjo është humbja e tretë e rëndë brenda 12 muajsh. Ashtu si në finale e vitit të shkuar ndaj Angelique Kerber, ajo ishte larg pritshmërive të saj dhe të publikut duke humbur të 4 game-t e para që në setin hapës.
Nga ana tjetër Halep u shpreh se nuk kishte presion dhe e dinte me ekzaktësi si do të luante.