Ndryshimet te PPP-të, Banka Botërore apel qeverisë për kujdes

Një ditë pas miratimit nga Parlamenti të ndryshimeve në ligjin e PPP, ka reaguar Banka Botërore.

Institucioni financiar ndërkombëtar ka qenë në të njëjtën linjë me FMN, teksa kërkon kujdes me këto kontrata koncensionare. Nëpërmjet një qëndrimi të detajuar në faqen zyrtare në Facebook, zyra e Bankës Botërore në Tiranë kërkon një menaxhim më të mirë të risqeve fiskale.

Pjesë e kërkesave të saj është edhe monitorimi i vazhdueshëm i performancës së këtyre kontratave koncesionare nga Ministria e Financave dhe Ekonomisë. Kjo e fundit, sipas Bankës Botërore, duhet të mbledhë informacion në mënyrë sistematike lidhur me këto kontrata.

Krahas këtyre elementëve, transparenca e shtuar si dhe ndërhyrja në kohë në rastet kur privati nuk po përmbush detyrimet, janë disa kërkesa të tjera të institucionit ndërkombëtar mbi PPP-të. 

Shkarkoni aplikacionin e A2