Vllaznia nis stërvitjen, trajneri i ri prezantohet me futbollistët

Vllaznia i është rikthyer stërvitjes pasditen e së martës, pas gati dy muajsh pushim.

Ekipi është grumbulluar në ambientet e stadiumit “Loro Boriçi”, ku dhe ka zhvilluar seancën e parë stërvitore.

Në nisje të stërvitjes, administratori Suad Lici ka prezantuar para futbollistëve trajnerin e ri të ekipit, Mirsad Jonuz.

Më pas, 16 futbollistë janë vënë nën urdhrat e trajnerit të ri, duke zhvilluar të parën stërvitje, ndërkohë që në ditet në vijim do të vijnë edhe futbollistë të tjerë. Përveç atyre nga kampionati shqiptar, priten edhe nga Maqedonia e Veriut.

“Do të përforcohemi me 4-5 lojtarë të cilët i kam në listë. Kam folur me drejtuesit për këta lojtarë dhe mendoj që do të kemi një Vllazni të fortë. Do të luajmë të gjitha ndeshjet për fitore”, tha Jonuzi.

Shkarkoni aplikacionin e A2