Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

“Mashtruesja”, vijojnë denoncimet për 64-vjeçaren Petro

Nga A2 CNN
25 Korrik 2019, 15:40 | Kronikë

Vijojnë të vijnë denoncime në polici për 64-vjeçaren Violeta Petro, e cila dy ditë më parë u prangos nga Policia e Tiranës, pasi akuzohet se ka mashtruar biznesmenë duke u premtuar projekte të mëdha ndërtimi të financuara nga një organizatë e huaj, UNICEF.

Burime pranë policisë konfirmojnë se vetëm ditën e djeshme, në drejtorinë e policisë janë paraqiture edhe dy persona të tjerë, duke e kallëzuar atë për mashtrim.

Gruaja 64-vjeçare hiqej si pjesë e fondacionit të huaj, duke mashtruar biznesmenë se për t'u bërë pjesë e projekteve të tyre, kryesisht me çerdhe për fëmijë e azile pleqsh, fillimisht duhet të paguanin nga 1% të vlerës që do të shkonte ndërtesa. Mes personave të mashtruar nga ana e 64-vjeçares, ishte edhe vëllai i Rebani Jaupit, drejtorit të Policisë së Tiranës.

Pas zbulimit të kësaj skeme mashtrimi nga ana e 64-vjeçares, policia i kërkoi informacion edhe organizatës UNICEF, sipas së cilës, në asnjë moment nuk ka pasur të regjistruar punonjëse të identifikuar me emrin Violeta Petro.

Ndërkohë, në dëshminë e saj, Petro ka mohuar të ketë mashtruar njeri, por duke mos i dhënë policisë asnjë argument bindës.

A2 CNN Livestream

Dita jonë