Devoll, kryebashkiaku i ri hap derën me forcë pas largimit të ish-kryetarit

Kryebashkiaku i ri i Partisë Socialiste në Devoll, Eduard Duro, ka shkoi në ambientet e bashkisë pasditen e sotme për të marrë detyrën, menjëherë sapo ish-kryetari i kësaj bashkie, Bledion Nallbati i Partisë Demokratike, kishte përfunduar orarin e punës.

Duke qenë se dera e bashkisë ishte mbyllur, njëri nga shoqëruesit e Duros e ka hapur me forcë atë në mënyrë që të futet në zyrën e tij kryebashkiaku i ri.

“Ish-kryetari i bashkisë nuk denjoi të bënte dorëzimin e detyrës dhe u detyruam që të hynim në këtë mënyrë. Dyert do t’i rregullojmë prapë. Punonjësit që dolën të protestonin sot, do të jeni pjesë e stafit tim”, tha kryebashkiaku i ri i Devollit.

Shkarkoni aplikacionin e A2 CNN