Një video që zgjati vetëm 60 sekonda, por e mbushur me emocione. Daniele De Rossi u prezantua zyrtarisht te gjigandët e Boca Juniors.
Ish-kapiteni i Romës dhe flamuri i fundit i larguar nga klubi i kryeqytetit italian, vendosi të transferohet te skuadra legjendare argjentinase.
Përveç urimit “Mirë se erdhe Daniele”, në videon rrënqethëse De Rossi tha edhe fjalët e para si lojtar i Bokës. “Zemra ime i takon Romës, por jam i dashuruar me stadiumin dhe tifozët e Boca-s. I kam parë ndeshjet prej moshës së vogël, kur këtu luante Maradona”, deklaroi ndër të tjera mesfushori italian.