Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Gurakuqi: PD gati për 13 Tetorin, por me një kusht

Nga A2 CNN
29 Korrik 2019, 13:48 | Politikë
Gurakuqi: PD gati për 13 Tetorin, por me një kusht

Ish-deputeti i Partisë Demokratike, Romeo Gurakuqi, shprehet se Partia Demokratike është gati për zgjedhjet e 13 Tetorit, por vetëm me një kusht.

“PD po merret me rimobilizimin e strukturave dhe po përgatitet për një proces zgjedhor të lirë dhe të ndershëm, në rrethanat e një qeverie tranzitore. PD po punon në drejtimin e duhur. Jemi gati për 13 Tetorin. Presim ndërhyrjen e faktorit ndërkombëtar, të cilëve u bëj thirrje që të rikthejnë situatën krah vlerave demokratike”, deklaroi Gurakuqi në A2 CNN.

Ish-deputeti nënvizoi se ndërkombëtarët “janë të vëmendshëm” në lidhje me krizën politike në vend: “Në fakt, është e nevojshme një ekspertizë më e detajuar në lidhje me mundësinë e daljes nga kriza. Është e nevojshme ndërhyrja në sistemin e drejtësisë kushtetuese dhe në rikthimin e legjitimitetit të Parlamentit të cenuar në mënyrë brutale nga Komisioni i Mandateve në shkurt të vitit 2019”.

Kur u pyet nëse PD-ja do të pranonte të ulej në negociata me Edi Ramën, Gurakuqi tha: “Në negociata nuk mund të jetë ai që shkatërroi skemën e demokracisë shqiptare. PD diskuton me çdo faktor politik që ndahet nga organizata kriminale që shkatërroi Shqipërinë”.

Në lidhje me çështjen e Teatrit Kombëtar, Gurakuqi u shpreh: “Afera e teatrit është një prej shumë aferave të teatrove të tjerë që luhen në Shqipëri. Çdo cep i çmueshëm i Shqipërisë është në sulm nga ata që pastrojnë para”.

A2 CNN Livestream

Ditari nga Denisa Pasholli