Situatë sa e paqartë, aq edhe e mbushur me të papritura ajo e Mauro Icardit te Interi.
Pas qëndrimit për disa javë jashtë ekipit, polemikave në distancë me drejtuesit për rinovimin e kontratës dhe pretendimeve se ishte i dëmtuar, argjentinasi kërkoi t’i bashkohej grupit në stërvitje.
Klubi e miratoi kërkesën e ish-kapitenit, por ky nuk duket një sinjal për paqe. Icardi është jashtë projektit të Interit, me klubin zikaltër që po kërkon blerës.
Për këtë arsye, administratori i Interit, Bepe Marota ka nisur negociatat me Napolin, Romën dhe Juventusin, skuadra të cilat synojnë ta blejnë Icardin.