Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Vangjush Dakos dhe familjes së tij i ndalohet hyrja në SHBA

Nga A2 CNN
30 Korrik 2019, 13:59 | Politikë
Vangjush Dakos dhe familjes së tij i ndalohet hyrja në SHBA

Zëri i Amerikës raporton se Departamenti i Shtetit ndalon hyrjen në Shtetet e Bashkuara të ish-Kryetarit të Bashkisë së Durrësit Vangjush Dako dhe anëtarëve të familjes së tij.

Sipas VOA-s, vendimi është marrë nga Sekretari i Shtetit, ku theksohet se ish-kryetari i bashkisë Dako është përfshirë në raste madhore korrupsioni.

https://a2news.com/2019/07/30/iu-ndalua-hyrja-ne-shba-dako-per-a2-cnn-nuk-kam-njoftim-per-kete/

"Në bazë të ligjeve amerikane, kur Sekretari i Shtetit, ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë. Ligji po ashtu i jep të drejtë Sekretarit të Shtetit që vendimin ta bëjë publik, ose t’ia bëjë atë privatisht zyrtarit në fjalë. Në bazë të njoftimit të sotëm, Vangjush Dako, bashkëshortja e tij Alba Dako, djali Xhulio Dako dhe vajza e tij Kejsi Dako nuk lejohen të hyjnë në Amerikë. Vendimi i sotëm, thuhet në njoftimin e Departamentit të Shtetit, është një sinjal i fortë se Shtetet e Bashkuara janë të angazhuara për të luftuar korrupsionin në vende të tjera të botës", shkruan VOA.

Dako, bëhet kështu zyrtari i tretë nga Shqipëria së bashku me Adriatik Lllallën dhe Tom Doshin që ndalohen të hyjnë në Shtetet e Bashkuara.

A2 CNN Livestream

Debat - nga Alba Alishani