Revolucioni te Milani ka nisur me Rafael Leao. Sulmuesi portugez i blerë për afro 30 milionë euro nga Lille zhvilloi vizitat mjekësore në klinikën La Madonnina.
Pas kontrolleve, 20-vjeçari hodhi firmën në kontratën, që e lidh me kuqezinjtë për pesë vitet e ardhshme.
Investimi financiar dhe kohëzgjatja e bashkëpunimit janë tregues i besimit që te Milani kanë për sulmuesin e talentuar. Në orët në vijim, kuqezinjtë do të zyrtarizojnë edhe Leo Duarte, mbrojtësin brazilian, i blerë nga Flamengo.