Konstituimi i Këshillave, betohen kryetarët e bashkive në Kukës, Mat, Durrës e Prrenjas – A2

Konstituimi i Këshillave, betohen kryetarët e bashkive në Kukës, Mat, Durrës e Prrenjas

MB KESHILLAT BASHKIAKE frame 204 1100x620

Gjatë ditës së premte janë konstituuar një sërë këshillash bashkiakë në bashki të mëdha dhe të vogla. Ndryshe nga sa mund te pritej, kryetari i ri i Bashkisë së Kukësit, Safet Gjici, pas betimit ka hyrë qetësisht në zyren e tij, pa hasur në asnjë protestë apo mosbindje nga ish kryetari që i përkiste opozitës.

Por kjo qetësi sipas PD është meritë e qytetarëve, të cilët nuk ranë pre e skenareve të qeverisë për të shkaktuar përplasje.

Në Mat, mbështetës të opozitës së bashkuar protestuan duke akuzuar kryetarin e ri të dalë nga zgjedhjet e 30 qershorit se po e vjedh bashkinë, ashtu si po vjedhin të gjitha bashkite e vendit.

Edhe në Prrenjas ish kryetarja Miranda Rira nuk ka pranuar të lirojë zyrën e saj për kryetarin e zgjedhur Nuri Belba, ndërsa ky i fundit është betuar para këshillit në ambientet e një shkolle 9-vjeçare.

Këshillat bashkiake janë konstituar edhe në Durrës dhe Elbasan. Kryetarja e re Bashkisë së Durrësit, Valbona sako, është betuar dhe ka marrë zyrtarisht detyrën nga ish kryetari Vangjush Dako, që drejtoi bashkinë e Durrësit për 12 vite. Ashtu sikurse edhe kryetari tjetër që drejtoi për 12 vite Qazim Sejdini i Elbasanit, i dorëzoi detyrën pasardhësit të tij, Gledian Llatja.