Isa Mustafa, edhe 4 vite në drejtim të Lidhjes Demokratike të Kosovës – A2

Isa Mustafa, edhe 4 vite në drejtim të Lidhjes Demokratike të Kosovës

isa mustafa 1100x620

Isa Mustafa do të jetë në drejtim të Lidhjes Demokratike të Kosovës (LDK) dhe për katër vite.

Zyrtarizimi erdhi në Kuvendin e Nëntë Zgjedhor të kësaj partie, ku Mustafa mori besimin e shumicës së delegatëve. Kundër tij garonte Fatmir Sejdiu.

Pavarësisht se disa anëtarë u larguan nga salla në shenjë pakënaqësie, kryetari i LDK-së tha se procesi ishte krejtësisht demokratik.

Mustafa foli edhe për situatën aktuale në skenën politike të Kosovës dhe konfirmoi qëndrimin për shpërndarjen e Parlamentit dhe zhvillimin e zgjedhjeve.

Ai u shpreh me bindje se partia e tij nuk do të bëjë koalicion me Partinë Demokratike të Kosovës.