Bakaj synon të befasojë Torinon dhe të sfidojë Wolves – A2

Bakaj synon të befasojë Torinon dhe të sfidojë Wolves

elis bakaj 1100x620

Kukësi nuk i’a doli dot të realizonte ëndrrën që të luante përballë Torinos në këtë edicion të Europa League.

Tashmë, skuadrën e Serie A italiane do ta sfidojë Elis Bakajn, me Shakter Soligorsk. Sulmuesi dhe ekipi i tij bjellorus do të provojnë të realizojnë surprizën e madhe, për të patur më pas shansin që të luajnë një tjetër duel të rëndësishëm.

Në fakt fituesi i këtij çifti në fazën “play off” do të luajë kundër Wolverhampton, gjithmonë nëse skuadra surprizë e edicionin e kaluar të Premier League, nuk do të befasohet në sfidën me Pjunik. Ky ishte verdikti i shortit të Europa League të hedhur në Nion, ku skuadrat e angazhuara në turin e tretë kualifikues janë njohur edhe me kundërshtarët e mundshëm të aktit final, drejt objektivit për të siguruar një biletë në fazën e grupeve.