Pasuesi i Mogherinit, Këshilli i Europës zgjedh zyrtarisht spanjollin Borrell – A2

Pasuesi i Mogherinit, Këshilli i Europës zgjedh zyrtarisht spanjollin Borrell

151432 01 05 1100x620

Shtetet anëtare të Bashkimit Europian emëruan zyrtarisht spanjollin Josep Borrel si pasues të Komisioneres për Punë të Jashtme, Federica Mogherini. Konfirmimi vjen nga një zëdhënës i Brukselit.

Ai do të nisë punën në nëntor, nëse kandidatura e tij do të aprovohet edhe nga Parlamenti Europian. Emërimi i spanjollit erdhi pas zgjedhjes së Ursula von der Leyen në drejtim të Komisionit Europian.

Socialisti Borrell është aktualisht ministër i Jashtëm i Spanjës dhe më përpara ka shërbyer edhe si president i Parlamentit Europian. 72 vjeçari pritet të marrë në duar drejtimin e dialogut mes Kosovës dhe Serbisë si dhe një sërë procesesh të tjera të papërfunduara nga Mogherini.