Mario Balotelli ka nisur bisedimet me klubin brazilian Flamengo, për një transferim të mundshëm atje. Sipas të dhënave paraprake, sulmuesi do të përfitojë 15 milionë euro për dy vite e gjysmë.
28-vjeçari momentalisht është pa skuadër, pasi nuk rinovoi bashkëpunimin me Marseille në fillim të verës. Sipas “Gazzetta dello Sport”, tani ai është duke negociuar detajet e fundit para se të transferohet në Amerikën e Jugut ku do të nënshkruajë deri në dhjetor 2021.
Muajin e kaluar, sulmuesi i Italisë pati një mundësi për të firmosur me West ham, por marrëveshja nuk u finalizua. Për Marseille, Balotelli luajti 15 takime duke shënuar 8 gola. Më parë, në kampionatin francez luajti me Nice, ku në 76 ndeshje realizoi 43 herë.