“Përshkallëzohet goditja ndaj informalitetit në zonën e Sarandës”, kështu shkruan kryeministri Edi Rama në Facebook duke postuar dhe disa foto të subjekteve të bllokuara gjatë aksionit kundër informalitetit që ditët e fundit është shtrirë në zonat turistike.
Sipas kryeministrit Rama, falë këtij operacioni një numër i madh subjektesh janë regjistruar, duke paguar detyrimet ndërsa një numri jo të vogël abuzuesish iu është bllokuar aktiviteti pasi kanë qenë përsëritës të shkeljeve.
Në fund, kreu i qeverisë thekson se toleranca ndaj abuzuesve do të jetë zero dhe se kontrollet vijojnë intensivisht mbi zonën bregdetare, sektorin e naftës dhe mallrat e tjera të akcizës.