Në Ditën Europiane të Kujtimit të Viktimave të Stalinizmit dhe Nazizmit, Presidenti Meta thekson se “disidenca shqiptare meriton jo vetëm të kujtohet, të shkruhet e të plotësohet, por edhe të nderohet me të gjithë respektin që meriton”.
Reagimin në mediat sociale, Kreu i Shtetit e shoqëroi edhe me dy fotografi realizuar gjatë vizitave në Kampin e Tepelenës dhe në burgun e Spaçit.
“Përballja serioze me të kaluarën, trajtimi i saj me transparencë e drejtësi, uniteti shoqëror, paqja dhe mirëkuptimi social, do të na ndihmojnë, jo vetëm për të mos harruar tragjeditë e së shkuarës, por edhe për t’u çliruar nga makthi i rikthimit të çdo forme diktature apo tendence despotike të qeverisjes”, përfundon Presidenti.