Basha: Edhe pse e di që ka probleme me drejtësinë greke, Rama zgjodhi Kajmakun për Vorën

Kryetari i Partisë Demokratike, Lulzim Basha, u shpreh se edhe pse “Edi Rama e di se Agim Kajmaku i Vorës ka falsifikuar formularin e dekriminalizimit”, kryeministri “vendosi veton dhe injoroi kërkesën e socialistëve të Vorës para 30 Qershorit që të mos kandidonte një person për të cilin e gjithë Vora e di se ka probleme të hapura me drejtësinë greke”.

Me anë të një postimi në Facebook, Basha thekson se “Edi Rama është kërcënim dhe rrezik për jetën dhe sigurinë e çdo familje shqiptare, ai ka kapur dhunshëm çdo pushtet me ndihmën e një bandë kriminelësh e hajdutësh me të cilët vjedh Shqipërinë”.

“Jorgo Kajmaku duhet të largohet dhe të merret menjëherë i pandehur sepse ka shkelur Ligjin e Dekriminalizimit dhe ka fshehur të dhënat mbi të kaluarën e tij. Ai duhet të përballet edhe me drejtësinë greke të cilës i është fshehur prej vitesh! Por sërish Edi Rama e mbron Jorgo Kajmakun nga zbatimi i Ligjit të Dekriminalizimit, me anë të prokurorisë së korruptuar dhe politizuar. Por, sa kohë Edi Rama është në zyrën e kryeministrit, nuk do të ketë as drejtësi dhe as demokraci, banditët, kriminelët dhe hajdutët do të vjedhin dhe dhunojnë shqiptarët. Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare”, shkruan Basha në rrjetin social.

Shkarkoni aplikacionin e A2