Derbi i Londrës nr.186 midis Tottenham dhe Arsenalit nuk zhgënjeu 60 mijë spektatorët të Emirate Stadium. Barazimi 2-2 nuk jep idenë e emocioneve të ndeshjes, që në pjesën e parë u dominua nga Spurs-at, që kaluan në avantazh të dyfishtë me yllin Eriksen në minutën e 10-të dhe ka raste të panumërta ku është i aftë Leno.
Por portieri i Arsenalit nuk mund të bëj asgjë kur gjyqtari dënon Granit Xhakën për një “stërkëmbësh” ndaj koreanit Son. Penallti, nuk gabon bomberi Kane (40’).
Në minutat e fundit të pjesës së parë, goditja e fortë e Lacazette, shkurton rezultatin. Arsenali merr zemër dhe sulmon, edhe pse Kane godet shtyllën (58’). Francezi Lloris bën mrekulli, por dorëzohet ndaj Aubameyang në minutën 71. Arsenali shënon 10 minuta më vonë golin e fitores me Sokratis, por anulon VAR.