Kryeministri Edi Rama ka reaguar sot përmes rrjeteve sociale për rezultatet e raportit të OSBE/ODHIR dhe debateve që ai ka prodhuar nga ana e forcave opozitare.
Në dy postime në Twitter kryeministri cilëson se raportin “ka certifikuar zgjedhjet si krejt legjitime e ka dhënë rekomandime në shërbim të reformës që na duhet”, dhe se opozita “ka ngritur një furtunë në gotë” por edhe se tentativa e tyre është “e kotë, e gabuar dhe e dëmshme për vendin”.
Rama vijon duke thënë se “zgjedhjet e 2021 nuk janë larg për kohën që duhet për adresimin e rekomandimeve në funksion të Reformës Zgjedhore. Prandaj le të fokusohemi tek kjo reformë themelore dhe të përgatisim me frymë dialogu e bashkëpunimi, zgjedhjet e ardhshme”.