Ambasadori i Bashkimit Europian në Tiranë, Luigi Soreca ka zhvilluar një takim me eurokomisionerin Johanes Hahn.
Lajmi bëhet i ditur nga Soreca me anë të një postimi në Twitter.
Soreca njofton se gjatë takimit ka informuar Hahnin mbi zhvillimet e fundit politike, ndërsa shton se në funksion të vendimit të tetorit, Shqipërisë i duhet të përqendrohet tek reformat e thella: “Kënaqësi të informoja Komisionerin Johannes Hahn për zhvillimet më të fundit të situatës politike në Shqipëri. Në funksion të vendimit të tetorit për hapjen e negociatave, është thelbësore që Shqipëria të vazhdojë të përqendrohet te reformat”.