Të hash pulë do të thotë t’i shtosh vetes rrezikun për t’u prekur nga një lloj i rrallë kanceri i gjakut dhe nga kanceri i prostatës te meshkujt.
Ky është përfundimi i një studimi të kryer nga Universiteti i Oksfordit.
Studimi vëzhgoi rreth gjysmë milioni britanikë për një periudhë prej 8 vitesh (2006-2014). Dieta e tyre u analizua së bashku me sëmundjet që këta persona vuajtën gjatë kësaj periudhe. Nga këta, rreth 23 000 persona u prekën nga kanceri gjatë periudhës së studimit.
Shkencëtarët e Oksfordit vunë re se pula lidhej me rrezikun e kancerit në prostatë dhe të një kanceri që prek rruazat e gjakut.
Deri tani, mishi i pulës konsiderohej gjerësisht si një alternativë e shëndetshme e mishit të kuq.