Arrestohet se ndoqi ekipin e zemrës, protesta në Teheran pas vetëvrasjes së 30-vjeçares

Në 13 mars, 5 ditë pas ditës ndërkombëtare të gruas, 30-vjeçarja Sahar Khodayari u arrestua në Teheran me nj akuzë të rendë, në atë vend. Kishte shkuar të shihte një ndeshje futbolli.

Sahar ishte një tifoze e flaktë e Esteghlal, ekipit më të rëndësishëm në Iran, por në vendin aziatik gratë nuk mund të jenë të pranishme në stadium.

Ajo guxoi, veshi një parukë dhe ngjyrat e ekipit të saj, hyri në stadium dhe filloi atë që çdo tifoz di të bëj më mirë, të mbështesë ekipin. Por personali i sigurisë i stadiumit nuhati gjithçka dhe e zbuloi, ndoshta nga një sinjalizim nga tifozë që ishin ulur pranë saj.

Sahar në spital, para se të ndërronte jetë

Sahar u arrestua, dhe mbeti 3 ditë në qeli, më pas u lirua në pritje të dënimit, pothuajse i përcaktuar. Gjashtë muaj, ndoshta diçka më shumë. Më shumë se muajt në qeli, do të ishte një damkë e përhershme gjatë jetës së saj.

Atëherë vendosi sakrificën. U lye me benzinë, dhe u vetëdogj në 90% të trupit, duke e çuar në vdekje një javë më vonë.   

Rasti i Saharit po shkakton një termet të vogël në opinionin publik iranian, me qindra mesazhe proteste drejtuar ministrisë së Drejtësisë. Së pari lojtarët më të famshëm të Iranit, nga mitiku Ali Karimi, kapiteni legjendar me 127 ndeshje në Kombëtare,  që ka ftuar 4.5 milionë followers në Twitter të bojkotojnë stadiumet iraniane.

Jashtë vendit të tyre, shumë iraniane protestojnë në evente të ndryshme mbi politikat gjinore të Teheranit

Vetë FIFA mund të marrë një vendim drastik kundër federatës iraniane, duke e dëbuar kombëtaren e saj nga Botërori i vitit 2022.

Ndoshta sakrifica e asaj vajze plot kurajë nuk do të shkoj dëm.

  • LAJMI I FUNDIT | Detaje të reja nga udhëtimi i gazetarit të A2, Jul Kasapi në kampin e ISIS
  • LAJMI I FUNDIT | Dëshmitë e shqiptarëve të bllokuar në kampin e Al Hawl në Siri
  • LAJMI I FUNDIT | Pamje të papublikuara më parë brenda kampit famëkeq të ISIS
  • LAJMI I FUNDIT | Historitë e dhimbshme të shqiptarëve që duan të kthehen në Atdhe
  • LAJMI I FUNDIT | Pas disa orësh ecje në kamp grupi i xhirimit gjeti grupin e shqiptarëve
  • LAJMI I FUNDIT | Ermir Gjinishi: Brenda kampit mund të ketë dhe ish luftëtarë të ISIS