Partia Demokratike i ka dërguar një raport prej 54 faqe OSBE/ODIHR, ku denoncon shkeljet e 30 qershorit.
Raporti nis me zyrtarët e inkriminuar të PS-së dhe denoncimin e përdorimit të parave të drogës për blerjen e votave.
Materiali i përgatitur nga demokratët denoncon përdorimin e administratës dhe policisë në zgjedhje, votimin në grup, dhunimin e të drejtës për votim të fshehtë, blerjen e votave në Kukës.
Në raportin e Partisë Demokratike, thuhet se “Shqipëria po kthehet në një regjim kriminal”, dhe se janë provuar lidhjet e qeverisë me krimin.
30 Qershori, sipas demokratëve, provoi se standardet demokratike janë zëvendësuar me vendimet kriminale.