Rrëzohen dekretet e Metës për koncesionet dhe kandidatura për kreun e KLSH

Votimi për rrëzimin e dekretit që rikthente për rishqyrtim koncesionin e rrugës Orikum-Dukat

Ashtu siç ishte paralajmëruar, Kuvendi ka hedhur poshtë 8 dekrete të Presidentit Meta, mes tyre edhe dekretet për koncesionet dhe partneritetin publik-privat. Parlamenti gjithashtu rrëzoi edhe kandidaturën e propozuar nga Meta për kreun e Kontrollin e Lartë të Shtetit, Petraq Milo, me 77 vota kundër.

Votimi për rrëzimin e kandidaturës së Petraq Milos

Parlamentarët rrëzuan dekretin që kthente për rishqyrtim ligjin për koncesionet e rrugëve Milot-Balldren dhe Orikum-Dukat, dy ligje të kundërshtuara fort si nga Presidenca, ashtu edhe nga opozita jashtë parlamentare. Gjatë paradites, kreu i PD, Lulzim Basha, paralajmëroi deputetët socialistë që secili prej tyre do të ndiqej nga ligji Antimafia kur opozita të merrte pushtetin, pasi këto koncesione, sipas Bashës, ishin korruptive.

Shkarkoni aplikacionin e A2