Djali i Samuel Eto'o, Etienne Eto'o Pineda, është grumbulluar nga Kameruni për Botërorin U-17 që do të zhvillohet në Brazil, edhe pse nuk ka qenë pjesë e skuadrës që siguroi kualifikimin dhe fitoren në Kupën e Kombeve të Afrikës U-17.
Sulmuesi i ri, i cili po ndjek gjurmët e të atit, është momentalisht kapiteni i klubit Mallorca U-17. Megjithatë, në këtë moshë, babai i tij, ishte pjesë e skuadrës së madhe. Përfaqësuesja e vendit afrikan nis stërvitjet në 20 shtator, para se të niset për në Brazil një javë më pas, për t’u stërvitur edhe atje në prag të nisjes së turneut më 26 tetor.