Të shtunën në Ligue 1, PSG zbriti në fushën e lojës me yllin Brazilian Neymar edhe pse mes shumë polemikash.
Megjithatë, mbrëmjen e së mërkurës kampionët e Francës do të ndeshen në Champions League dhe do të duhet të bëjnë pa 3 lojtarë mjaft të rëndësishëm në skuadër.
Kylian Mbappe dhe Edinson Cavani ishin të parët të konfirmuar se do të mungojnë në këtë sfidë të parë të këtij edicioni në Champions, ndërsa të hënën është konfirmuar edhe mungesa e gjermanit Draxler.
Ndoshta, PSG duhet të qetësohet disi me rikthimin e Neymar, por edhe me faktin se edhe Reali do të jetë me mungesa në këtë ndeshje. Zidane duhet t’i bëjë llogaritë pa brazilianin Marcelo për arsye dëmtimi.