Volejbolli në vend ka nisur këtë fundjavë sezonin e ri me aktivitetin e përvitshëm të Kupës së Federatës.
Te femrat, kampione u shpall skuadra e Mirditës, e cila pas suksesit në gjysmëfinale përballë kampioneve të Partizanit, mundi edhe Tiranën në finale, 3 me 0 me sete.
Te meshkujt, ndërkohë festa i takoi Vllaznisë. Klubi shkodran kaloi Tiranën në gjysmëfinale, ndërsa në duelin për trofeun, sikurse në finalet e titullit sezonin që lamë pas, gjeti Partizanin, ndaj të cilit u hakmor, duke fituar në shifrat 3 me 1.