Refugjatët kishin bërë ekip volejbolli, por kapen në aeroport

Screenshot 4 14 600x338

Dhjetë refugjatë u arrestuan në aeroportin e Athinës pasi po përpiqeshin të futeshin në Europë duke u shtirur si lojtarë të një skuadre volejbolli që do të zhvillonte një turne.

Policia tha se ata zbritën në tokën helene me uniforma të njëjta, madje mbanin me vete edhe çanta sportive e topa volejbolli. Megjithatë, kur iu kontrolluan pasaportat, autoritetet panë se ato nuk i përkisnin atyre. Mendohet se grupi, i përbërë kryesisht nga sirianë, po shpresonte të arrinte në Zyrih me dokumente ukrainase.

Greqia është shndërruar në rrugën e preferuar të mijëra emigrantëve që përpiqen të arrijnë vendet e Bashkimit Europian dhe perëndimin. Deri tani, këtë vit, 36 mijë vetë kanë hyrë në vend përmes detit, thuajse 10 mijë më shumë se sa në Itali dhe Spanjë.

  • LAJMI I FUNDIT | Koronavirusi në Shqipëri, asnjë humbje jete në 24 orë
  • LAJMI I FUNDIT | Koronavirusi në Shqipëri, 12 raste të reja në 24 orë
  • LAJMI I FUNDIT | Koronavirusi në Shqipëri, 19 të shëruar në 24 orë