Amerikani 23 vjeçar Christian Coleman është njeriu më i shpejtë në botë. Ai që sipas ekspertëve është pasuesi i mitit Usain Bolt fitoi sonte finalen e garës së 100 metrave në kampionatin botëror të atletikës që po zhvillohet në Doha.
Amerikani, që ishte gjithsesi favoriti i garës, fitoi me rezultatin 9’’ 76, duke lënë shumë pas kampionin e mëparshëm, bashkëkombasin Justin Gatlin që mbylli me 9’’89 dhe kanadezin Andre De Grasse që e ndoqi me vetëm një të qindtën më shumë.