1399 – Enriku IV shpallet mbret i Anglisë. 
1791- Opera e famshme e Mozartit, “Flauti Magjik”, shfaqet për herë të parë në Vjenë. 
1846 – Heqja e parë e dhëmbëve me anë të anestezisë lokale, kryhet nga Dr. William Morton në Charleston, Massachusetts në SHBA. 
1911 – Italia i shpall luftë Turqisë për kontrollin e Tripolit në Libi. 
1938 – Firmoset Marrëveshja e Mynihut. Kishte të bënte me rajonin e Sudeteve, që ndodheshin përgjatë kufijve të Çekosllovakisë, i banuar kryesisht nga çekë me origjinë gjermane. Marrëveshja u negociua në një konferencë të mbajtur në Mynih të Gjermanisë, midis fuqive kryesore të Evropës, por pa praninë e Çekosllovakisë. 
1947 – Jemeni dhe Pakistani anëtarësohen në OKB. 
1949 – Pushon së funksionuari Ura Ajrore e Berlinit, pas 15 muajsh dhe më shumë se 250 000 fluturime. Ajo ishte një nga sipërmarrjet më të mëdha logjistike në historinë moderne dhe një nga ngjarjet kryesore të Luftës së Ftohtë. 
1955 – Vdes në një aksident automobilistik, aktori i famshëm hollivudian James Dean. Deri në atë moment tragjik, vetëm një nga filmat e Dean, “Lindja e Edenit”, kishte dalë në ekranet e kinemave, por 24-vjeçari e kishte nisur rrugëtimin e tij drejt famës dhe aksidenti vdekjeprurës e shndërroi atë në një legjendë. 
1964 – Nisin protesta e para studentore në SHBA kundër Luftës së Vietnamit. Demonstratat e para në shkallë të gjerë, kundër ndërhyrjes ushtarake të Shteteve të Bashkuara në Vietnam filluan në Universitetin e Berklit në Kaliforni nga mijëra studentë. 
1964 – Lindi në Itali aktorja Monica Bellucci. Sipas një sondazhi të zhvilluar në Francë në mars 2017, ajo u shpall gruaja më seksi në botë.
Kalendari historik, 30 shtator.
