Skandali ukrainas, Trump: Meritoj të takohem me akuzuesin tim

Nga A2 CNN
30 Shtator 2019, 13:59 | Bota
Skandali ukrainas, Trump: Meritoj të takohem me akuzuesin tim

Presidenti Donald Trump dëshiron të takojë informatorin e inteligjencës, i cili “paraqiti një bisedë perfekte me një lider të huaj plotësisht në një mënyrë të pasaktë dhe mashtruese”, siç e përkufizoi Trump bisedën me presidentin ukrainas Zerensky.

“Ajo që po ndodh tani është mashtrimi më i madh në historinë e politikës Amerikane”, deklaroi presidenti i SHBA.

Demokratët nuk janë dakord, dhe thonë se presidenti përfitoi nga pushteti I tij për të nxitur ndërhyrjen e Ukrainës në zgjedhjet e 2020.

Sipas ligjvënësit demokrat Hakeem Jeffries, “këto janë prova serioze të shkeljes së ligjit, presidenti tradhtoi betimin e tij”. Një transkriptim nga Shtëpia e Bardhë shfaq presidentin Trump ndërsa i kërkon vazhdimisht homologut Volodymyr Zelensky që të hetojë kandidatin demokrat, Joe Biden dhe të birin Hunter.

https://a2news.com/2019/09/27/rasti-ukraina-informatori-eshte-zyrtar-i-cia-s/

Për republikanin Kevin Mc Carthy, “Presidenti nuk bëri diçka gjatë telefonatës së tij që mund ta shkarkojë”.

Trump mohon të ketë kryer ndonjë shkelje, ndërsa kritikët e hetimit për shkarkim thotë se po përjetojnë të njëjtën situatë që pasoi hetimin e prokurorit special, Robert Mueller për Rusinë. Por Demokratët nuk janë dakord.

https://a2news.com/2019/09/25/prokurori-i-ardhshem-do-te-jete-100-njeriu-im-avioni-yt-eshte-me-i-mire-se-i-imi-zelensky-i-zellshem-per-te-kenaqur-trump/

Sipas Adam Schiff, kryetar i Komitetit të Inteligjencës, “pavarësisht asaj që kemi kaluar këto dy vite, presidenti e kuptoi se është e paligjshme të kërkosh asistencë të huaj për fushatën. Menjëherë pasi Mueller dëshmoi, ai përsëriti veprimet e tij”.

Nëse veprimet e tij çojnë drejt shkarkimit, kjo do të zbulohet së shpejti.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni