Serbia u shpall kampion Evrope në volejbollin e meshkujve.
Përfaqësuesja ballkanase u ngjit në majën e kontinentit pas fitores 3 me 1 përballë Sllovenisë në takimin final.
Përveç setit të dytë, në të cilin hasi vështirësi, Serbia nuk e vuri në asnjë moment në dyshim fitoren, duke triumfuar në një nga evenimentet më të rëndësishme të volejbollit.
Përfaqësuesja serbe nuk humbi as edhe një ndeshje përgjatë gjithë Kampionatit Evropian.
Finalja e vogël, ajo mes Polonisë dhe Francës, u fitua nga polakët 3 me 0 .