Pas emocioneve të përziera të derbit, mes spektaklit dhe dhunës, futbolli rikthehet, këtë herë me ndeshjet e kthimit në Kupën e Shqipërisë.
Tre skuadra elitare zbresin në fushë për të formalizuar kualifikimin në turin e dytë. Në Grupin A, Partizani do të presë Vorën, pas suksesit 3 me 0 në takimin e parë. Kjo ndeshje është një mënyrë për trajnerin Lerda që të aktivizojë lojtarët të cilët kanë patur më pak hapësira.
Në Grupin B zbresin në fushë Luftëtari dhe Kukësi. Gjirokastritët kanë fituar minimalisht ndeshjen e parë me Turbinën, ndërsa nënkampionët e Shqipërisë janë praktikisht të kualifikuar, pas suksesit 3 me 1 me Shkumbinin.
Takimet e tjera të Kupës do të luhen ditën e mërkurë.