Një gol në secilën pjesë dhe ndërhyrja e VAR, i dhuruan River Plate fitoren 2-0 përballë rivalëve të përjetshëm të Boca Juniors.
Në gjysmëfinalen e parë të Kupa Libertadores, triumfues ishin bardhekuqtë të cilët nuk gabuan, sikurse në përballjen e fundit përballë Boca-s në këtë turne e cila e cila i përket finales së edicionit të kaluar.
Borre shënoi fillimisht me penallti në minutën e 7, ndërsa Fernandez i dha qetësi vendasve duke siguruar fitoren pak përpara fundit.
River Plate shkon i qetë drejt 90 minutave të dyta të gjysmëfinales, ndërsa për Boca Juniors misioni i përmbysjes do të jetë i vështirë sikurse ka rezultuar në vitet e fundit.