Kanë kaluar më tepër se pesë vjet nga përballja e fundit, por një sfidë e tillë mbetet gjithmonë madhështore.
Mbrëmjen e sotme, Gjermania dhe Argjentina do të luajnë, në atë që cilësohet përsëritja e finales së Botërorit 2014, kur “pancerat” fituan në kohën shtesë, duke i mohuar Lionel Messi-t trofeun e vetëm të madh që i mungon.
Pesë herë fituesi i “Topit të Artë”, i zgjedhur së fundmi edhe “Lojtari i Vitit” nga FIFA do të mungojë në miqësoren e luksit, ku trajneri Scaloni do të provojë që me yjet Lautaro dhe Dybala t’i japë një identitet amerikano-jugorëve.
Sfida e Dortmundit do t’i shërbejë Gjermanisë së trajnerit Low, në kuadër të kualifikueseve të Euro 2020, ku edhe pse është vetëm një miqësore, premton spektakël të jashtëzakonshëm.