Kosova fitoi me rezultatin e ngushtë 1-0 miqësoren ndaj modestëve të Gjibraltarit, në një ndeshje që e dominoi tërësisht, por ku nuk arriti të finalizonte siç duhej.
Portieri Samir Ujkani ishte në rolin e një spektatori, ndërsa e gjithë loja u zhvillua në gjysmëfushën e Gjibraltarit.
Pavarësisht kontrollit të topit, goli erdhi në minutën e 69 të takimit, me autor Florent Hasanin.
Të dielën në mbrëmje, Kosova do të përballet me Malin e Zi po në “Fadil Vokrri”, për eliminatoret e Euro 2020.