Eliud Kipchoge ka shkruar historinë. Atleti kenian, njeriu i zgjedhur nga Ineos për të përfunduar një maratonë nën kufirin e 2 orëve, ia ka dalë mbanë.
Në Prater të Vjenës, në një cirkuit të studiuar dhe krijuar për këtë rast, i vrapoi 42.195 km në 1 orë, 59 minuta dhe 40 sekonda.
Një arritje fantastike, e bërë e mundur edhe falë bashkëpunimit të 36 “lepujve” që e shoqëruan për t’i ruajtur një ritëm të lartë.
Duke qenë se ky rekord nuk është vendosur në garë, Federata Ndërkombëtare e Atletikës nuk e njeh, por konsiderohet gjithsesi arritje e madhe pasi vetëm disa vite më parë, të bëje maratonën për më pak se dy orë konsiderohej e pamundur.