Çekia, Sllovakia, Hungaria dhe Polonia i kërkojnë Bashkimit Evropian çeljen e negociatave të anëtarësimit me Shqipërinë dhe Maqedoninë e Veriut.
Në një opinion të publikuar në median ndërkombëtare "Politico", ministrat e Jashtëm të këtyre vendeve vlerësojnë punën e bërë nga Tirana dhe Shkupi në reformat e kërkuara.
“Një vendim pozitiv do të dërgonte një sinjal të qartë, që BE vlerëson plotësimin e kushteve të vendosura”, shkruajnë katër ministrat.
Ata e konsiderojnë të rëndësishëm zgjerimin e BE-së në Ballkanin Perëndimor, ndërsa nënvizojnë se me çeljen e negociatave për Tiranën dhe Shkupin, Brukseli konfirmon përkushtimin për stabilitetin, demokracinë dhe sigurinë e rajonit.