Dyshime për kokainë nga Amerika e Jugut, kontrollohen arkat me banane në Portin e Durrësit

Që në orët e para të mëngjesit të kësaj të marte punonjësit e Portit u gjendën të rrethuar nga agjentët e antidrogës që kontrollonin me imtësi kontejner me banane nga Ekuadori.

Dyshimet erdhën pasi vula dhe numri serial i kontejnerit ishin ndryshuar gjatë transportit të ngarkesës. Kjo bëri që kontejneri frigoriferik të hapej ndërsa më shumë se 100 kuti me banane u kontrolluan imtësisht nga agjentët.

Pas më shumë se 30 minutave kontroll dhe në pjesën e jashtme frigoriferike të kontejnerit, efektivët nuk gjetën asnjë lëndë të dyshimtë. Pas episodit të 137 kilogramëve kokainë, i cili vinte me një kontejner identik në Portin e Durrësit, tashmë Policia krahas skanerit pritet të kontrollojë me të njëjtën procedurë ngarkesat që kanë si origjinë Amerikën Latine. 2 javë më parë, gjatë operacionit për kapjen e pritësve të kokainës në pranga ranë vetëm dy persona ndërsa një i tretë, Gentian Malindi, arriti t’i shpëtonte prangave.

Shkarkoni aplikacionin e A2