Tension i lartë në Barcelonë, protestuesit “pushtojnë” aeroportin, përplasen me policinë – A2

Tension i lartë në Barcelonë, protestuesit “pushtojnë” aeroportin, përplasen me policinë

Nuk ulet tensioni në Katalonjë, pas vendimit të Gjykatës së lartë spanjolle për të dënuar ashpërsisht  liderët  që shpallën pavarësinë nga Madridi në vitin 2017.

Dje një manifestim i paprecedentë ka bllokuar aeroportin ndërkombëtar El Prat të Barcelonës. Mijëra manifestues kanë djegur rrota makinash dhe dru, duke bllokua rrugët hyrëse drejt aeroportit, dhe duke “pushtuar” të gjithë perimetrin e terminalit.  

Forcat speciale të policisë  reaguan menjëherë dhe arritën të bllokonin përshkallëzimin e situatës. Më shumë se 50 persona kanë mbetur të lënduar, ndërkohë që protesta ka shkaktuar një kaos në aeroport, me të paktën 108 fluturime që u anuluan si pasojë.

Vendimi i Gjykatës spanjolle rrezikon që zgjedhjet katalane të 10 nëntorit të ndodhin në një klimë të tensionuar dhe paradoksale, ku pjesa dërrmuese e liderëve janë të arrestuar ose jashtë shtetit për t’i shpëtuar urdhrave të arrestimit.

Shkarkoni aplikacionin e A2