Zvicra mori një fitore të pastër 2-0 në ndeshjen e kësaj të martë në shtëpi ndaj Irlandës, duke u ngjitur në kuotën e 11 pikëve në vendin e tretë, vetëm një më pak se kundërshtari i mbrëmjes.
Goli i parë u shënua nga Seferovic në pjesën e parë, ndërsa rezultati u vulos në shtesë nga një autogol.
Italia e Mancinit nuk ka toleruar aspak në transfertë me Lihtenshtejnin, duke i shënuar 5 gola edhe pse me disa lojtarë të rinj.
Bernardeschi shënoi pas vetëm 120 sekondash, Belotti dy herë, Romagnoli dhe El Shaarawi ishin autorët e kësaj fitoreje të thellë për të kaltrit.
Kjo ishte fitorja e 8 e Italisë në po kaq ndeshje, me një golavarazh 25 gola të shënuar dhe vetëm 3 të pësuar.