Sondazh: Si ka ndryshuar figura e babait në familje ndër vite?
  • Më i pranishëm me fëmijët 14%
  • Më i zënë në punë 71%
  • Ndihmon në shtëpi 14%

Përfshihet nga stuhia avioni ku udhëtonte Princi William dhe Kate

Nga A2 CNN
17 Tetor 2019, 19:22 | Bota
Përfshihet nga stuhia avioni ku udhëtonte Princi William dhe Kate

Një stuhi e fuqishme përfshiu Pakistanin dhe detyroi avionin ku udhëtonin Princi William dhe bashkëshortja e tij Kate të anulonte uljen në aeroportin e parashikuar. Avioni “Voyager” i Forcave Ajrore të Mbretërisë u detyrua të qëndronte në ajër për me shumë se 2 orë në atë që duhet të ishte një udhëtim 25-minutësh, për shkak të shkreptimave dhe vetëtimave të shumta.

Avioni e kishte të pamundur të ulej në bazën ajrore mbretërore të Pakistanit dhe në një aeroport mallrash dhe për këtë arsye u detyrua të kthehej. Korrespondentja e The Sun për Mbretërinë, Emily Andrews shkroi në rrjetet sociale “Dramë në udhëtimin mbretëror, stuhia e fuqishme në Islamabad na detyroi të anulojmë dy ulje dhe të riktheheshim në Lahore”.

Princi William u përgjigj me shaka kur u pyet nga media nëse ishte në rregull pas turbulencave të forta. “Isha duke fluturuar”, u shpreh ai duke nënkuptuar se nuk trembet nga situata të tilla për shkak se ka qenë dhe pilot në ushtri.

A2 CNN Livestream

Debat - nga Alba Alishani