Një event i pazakontë ka ndodhur sot gjatë ndeshjes Sassuolo-Inter, i fituar 4-3 nga milanezët.
Minuta e 43-të e pjesës së parë, Interi po fiton ndaj Sassuolos dhe Romelu Lukaku ishte gati për të gjuajtur penalltinë që do të jepte zikaltërve qetësinë ( e përkohshme) për një fitore të çmuar në kampionat.
Por asnjë tifoz nuk e kishte aty mendjen, madje as vetë lojtarët. Kjo sepse në qiell ajo që ishte një pikë e parëndësishme u shndërrua në një figurë në fillim alarmuese dhe më pas thjesht argëtues e për të gjithë.
Një parashutist misterioz me maskë u ul në mënyrë perfekte në fushë, i ndjekur jo vetëm nga përgjegjësit e sigurisë të stadiumit, por edhe nga qindra duartrokitjet e tifozëve, që me sa duket pëlqyen performancën e ndaluar.