Volejbollistet e Partizanit zbresin sërish sot në parket, me kampionet e Shqipërisë që janë në raundin e dytë Champions League. Skuadra kryeqytetase ka udhëtuar drejt Budapestit, ku do të përballet me klubin e njohur “Vasas”.
Hungarezët janë pjesëmarrës të rregullt në Champions ndaj për Partizanin do të jetë një sfidë tepër e vështirë.
Vajzat e kuqe vijnë nga suksesi i pastër në kampionat 3-0 ndaj Teutës, ndërsa për të mbërritur në këtë fazë të Champions, kampionet eliminuan boshnjaket e Jedinsvo Bërçko me dy fitore. Ndeshja e parë luhet sot në orën 18:00.