Mbrëmja e së enjtes nuk do të harrohet lehtë nga Harry Maguire, pasi mbrojtësi mbajti për herë të parë shiritin e kapitenit të Manchester United, në ndeshjen kundër Partizanit të Beogradit.
Por, duket se emocionet ishin të mëdha për futbollistin anglez, i cili harroi përgjegjësitë që kishte si kapiten ekipi. 26-vjeçari, pasi u takua me arbitrat, u bashkua me shokët e skuadrës dhe harroi që duhej të priste për hedhjen e monedhës në mënyrë që të caktoheshin fushat dhe kush do ta luante topin e parë.
Ai u thirr nga arbitri i ndeshjes për të vijuar me ritualin.
Maguire u bë kapiten i United edhe pse ka luajtur me “Djajtë e Kuq” vetëm 10 ndeshje, por mungesat në formacion të Ashley Young dhe De Gea bënë që Solskjaer të zgjidhte si kapiten qendërmbrojtësin anglez.