Bashkimi Europian ka rënë dakord që Brexit të shtyhet deri më 31 janar 2020, të paktën kështu thotë Presidenti i Këshillit Europian, Donald Tusk, në një postim në Tëitter.
Tusk tha se unioni do të lejojë të zbatohet e ashtuquajtura “flextension" – shtyrje fleksibël, që do të thotë se Mbretëria e Bashkuar mund të largohet edhe për para këtij afati nga BE, nëse marrëveshja miratohet në Parlament.
Vendimi vjen ndërkohë që deputetët britanikë përgatiten të votojnë mbi propozimin e Kryeministrit Boris Johnson për zgjedhje të parakohshme më 12 dhjetor. Mbretëria e Bashkuar duhet të largohej të enjten nga Bashkimi Europian, por Johnson u detyrua nga Parlamenti të kërkonte zyrtarisht shtyrjen pasi marrëveshja e dakordësuar prej tij nuk u pranua.