Erë me 170 km/h, pastruesit e qiellgërvishtësve rrezikojnë jetën

Punonjësit që po pastronin xhamat e një “qiellgërvishtësi” në qendrën e Edmontonit në Kanada, kaluan momente terrori kur një erë jashtëzakonisht e fortë, me shpejtësi rreth 170 km/h, lëkundi në mënyrë  tejet të rrezikshme ashensorin e jashtëm me të cilin kryenin punën.

Mjeti u lëkund dukshëm, duke thyer edhe xhamat e godinës, ndërkohë që një prej personave të përfshirë për pak nuk ra poshtë, i shpëtuar nga rripat e sigurisë.

Fatmirësisht nuk pati asnjë të lënduar, por pamjet tregojnë ankthin e përjetuar.

Shkarkoni aplikacionin e A2