Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Kopshti Botanik, Gjykata rrëzon pretendimet e Bashkisë së Tiranës

Nga A2 CNN
29 Tetor 2019, 13:00 | Aktualitet
Kopshti Botanik, Gjykata rrëzon pretendimet e Bashkisë së

Gjykata Administrative e Apelit ka rrëzuar pretendimin e bashkisë së Tiranës për të marrë në pronësi kopshtin botanik.

Trupi gjykues i ka dhënë të drejtë rektorit të Universitetit të Tiranës Mynyr Koni, duke e njohur këtë pronë edhe në funksion të mësimdhënies dhe kërkimit shkencor.

https://a2news.com/2019/10/14/a-do-te-ngrihet-qender-tregtare-te-kopshti-botanik-mazniku-sqaron-ne-a2-projektin-e-bashkise/

 Për kreun e universitetit kërkesa e Bashkisë përbën një shkelje të hapur të autonomisë dhe Ligjit të Arsimit të Lartë. Përplasjet për pronësinë e kopshtit botanik kanë përfshirë më herët edhe opozitën, sipas të cilës, kryebashkiaku Veliaj dhe kryeministri Rama kanë planifikuar ndërtime aty.

Por, këto akuza janë hedhur poshtë nga nënkryetari i bashkisë së kryeqytetit. Arbian Mazniku tha në 14 Tetor në emisionin Dita Jonë në A2CNN, se interesi i bashkisë është të rivitalizojë këtë hapësirë dhe në periudhën kur nuk i duhet universitetit, të jetë i hapur për qytetarët e Tiranës.

https://a2news.com/2019/10/09/pd-veliaj-po-vjedh-universitetin-per-te-ndertuar-kulla/

Sipas tij Bashkia e kryeqytetit është e gatshme për një marrëveshje me universitetin,  që t’i ruhen të gjitha të drejtat që gëzon aktualisht.

A2 CNN Livestream

Dita jonë