Presidenti i Federatës Shqiptare të Futbollit tha se është e papranueshme mënyra se si një trajner futbolli godiste lojtarët e rinj pasi kishin humbur një ndeshje. Video e publikuar vetëm së fundmi në rrjetet sociale, i përkiste vitit 2016, ku trajneri i atëhershëm i Laçit U-17, Ndue Tarazhi, godiste lojtarët e tij ndërsa i fajësonte për një humbje.
“Nëse është e vërtetë është e papranueshme”, tha Duka. “Sigurisht që ka pasur metoda të tilla “spartane” apo të dhunshme, por në kohën e sotme është e papranueshme. Ka mënyra të tjera për t’i dhënë grintë futbollistëve. Mënyra të tilla për të edukuar apo për të motivuar janë të papranueshme, të ndaluara absolutisht po, por edhe të papranueshme”.